Мундана астро карта Пандемија Ковид 19

Пандемија Ковид 19 астролошки предвидено 2018

Ковид 19 е топ тема скоро цела 2020 година и оправдано „целиот“ свет го стави во „лимбо“ состојба, а пред се внесе голема доза на страв и неизвесност за личната безбедност и здравјето на најблиските.Овој „пандемичен“ ефект врз светот на мундано поле прецизно го навестив со години наназад и на неколку наврати е спомната 2020 година, а постои видео телевизиски запис пред 2 години каде јасно е истакнат период за декември 2019 . Предвидувањето е прецизно доколку се поврзе со јавно достапната информација за почеток во предвидуваниот месец декември, а за кој има податок дека првите симптоми се на 1 декември 2019 во Вухан заболен маж ,а известување со студија е на „The Lancet“. Според оваа студија од неговото семејство немало други заболени, а нивната анализа е дека неможе да се направи паралела или поврзаност со случаеви пред овој период.Здравствени лица од Вухан ја лоцираат како можна почетната точка на ширење на вирусот Сарс(SARS-Severe Acute Respiratory Syndrome) ,скратено именуван како Ковид 19 .Како прва позната локација за појава на вирусот Сарс , се спомнува Јужна Кина, во месец ноември 2019 (неофицијално) , а веќе во март 2020 беше сигнализирано да се постави на листата на глобална закана по светот. Ова мое предвидување, не беше пратено до медиумите туку сами да дојдат до веста, која во полето на мунданата астрологијата е од најредок вид и скоро во целиот свет немаше јасно истакнато дадено предвидување, што се очекува и кога се очекува. На третото прашање во астрологија за локација на заразата, во декември 2019 година се даде предвидување да се внимава на увезена храна од кризните региони во Азија, Африка и Јужна Америка. Дел од Македонските Тв медиуми па и интернет портали, објавуваа вести од астролози во светот кои го предвиделе настанот, но доколку само малку подобро ги проверите овие вести, ќе се забележи дека не е одговорено новинарски Што, Каде, Кога .

Треба да се истакне дека веста за пандемијата „ги затекна “ најпознатите како западни-тропски така и ведски астролози во целиот свет. Овој мој запис е од полето на Историја на Ведската астрологија во Македонија и Светот ,за да остане забележано за следните генерации астролози, кои ќе можат да го анализираат овој ефект на планетната коњукција на Јупитер и Сатурн и да дојдат до релевантни заклучоци, за пандемијата која официално започна во декември 2019, иако за првиот т.н. „нулта пациент“, останува отворено прашање.